काठमाडौं । ऊर्जा, जलस्रोत तथा सिँचाइ सहित तीन मन्त्रालयको जिम्मेवारी पाएका कुलमान घिसिङले पुनर्निर्माण कोषमा योगदान गर्न आह्वान गरेका छन् । सरकारले बुधबार मात्र कोष स्थापना गर्दै सहयोगको आह्वान गरेको हो । सरकारले अर्थमन्त्रीको अध्यक्षतामा पुनर्निर्माण समिति समेत गठन गरिसकेको छ । समितिले पुनर्निर्माण कार्ययोजना स्वीकृत गर्दै पुनर्निर्माणको काम थाल्ने मन्त्री घिसिङले जानकारी दिए । भौतिक संरचनामा आगजनी र तोडफोडले ठूलो क्षति भएको भन्दै उनले आर्थिक पुनरुत्थान र पुनर्निर्माण कोष स्थापना गरिएको बताए ।
Author: Bihanipatra
काठमाडौं । अध्यागमन विभागको सेवा दशैंको टीकाको दिन मात्र बन्द हुने भएको छ । दशैंको सार्वजनिक बिदाको अन्य दिनहरुमा पनि सेवा जारी रहने छ । दशैंको बिदा अवधिमा टीकाको दिनबाहेक अन्य दिनमा पर्यटक भिसा र एजेन्सी शाखा खुला राख्ने विभागले जनाएको छ । सरकारी कार्यालयहरुमा दशैंको फूलपातिको दिनदेखि नै सार्वजनिक बिदा दिने गरिन्छ । तर अध्यागमन विभागले फूलपातिदेखि नवमीसम्म पनि सेवा जारी राख्ने जनाएको हो । बिहान ११ बजेदेखि दिउँसो १ बजेसम्म पर्यटक भिसा शाखा र एजेन्सी शाखाबाट प्रदान गरिने सेवा सञ्चालन गरिने विभागका अध्यागमन अधिकृत शिवकुमार अधिकारीले बताए । यही असोज १६ गते दशैंको टीकाको दिनमा भने यी सेवा…
काठमाडौँ । राष्ट्रपति रामचन्द्र पौडेलले आगामी फागुन २१ गते हुने निर्वाचनका लागि मतदाता नामावली ऐन सम्बन्धी अध्यादेश जारी गरेको छ । सरकारको सिफारिसमा राष्ट्रपति रामचन्द्र पौडेलले बुधबार मतदाता नामावली ऐन, २०७३ लाई संशोधन गर्न अध्यादेश जारी गरेसँगै आयोगलाई नयाँ मतदाताको नाम संकलन गर्न बाटो खुलेको छ। यसअघिको कानुनअनुसार आगामी फागुन २१ गते हुने प्रतिनिधिसभा निर्वाचनका लागि मतदाता नामावली संकलन गर्न मिल्दैनथ्यो । मतदाता नामावली ऐन, २०७३ को दफा ४ को उपदफा २ बमोजिम चुनावको मिति घोषणा भइसकेपछि सोही निर्वाचनको प्रयोजनका लागि मतदाता नामावलीमा नाम दर्ता गर्न नपाइने व्यवस्था उल्लेख थियो । यसअघि आयोगले २०७९ को निर्वाचनअघि मतदाता नामावली संकलन गरेको…
काठमाडौँ । ऊर्जा, जलस्रोत तथा सिँचाइ, भौतिक पूर्वाधार तथा यातायात एवम् सहरी विकास मन्त्री कुलमान घिसिङ र नेपालका लागि चीनका राजदूत चेन सोङबिच शिष्टाचार भेटवार्ता भएको छ । बुधबार सिंहदरबारस्थित भौतिक पूर्वाधार तथा यातायात मन्त्रालयमा भएको भेटमा नवनियुक्त मन्त्री घिसिङलाई चिनियाँ राजदूत सोङले बधाई दिनुका साथै सफल कार्यकालको शुभकामना व्यक्त गरेका छन् । भेटमा नेपाल–चीनबिचको सडक तथा विद्युत् प्रसारण लाइन कनेक्टिभिटी, चिनियाँ निर्माण व्यवसायीबाट ठेक्का लिएका सडक तथा विद्युत् आयोजनाको निर्माण प्रगति, ऊर्जा क्षेत्रमा सहकार्य, चिनियाँ सहायतामा सञ्चालित आयोजनाहरूको कार्यान्वयन अवस्था, चिनियाँ लगानीलगायतका विषयमा छलफल भएको थियो । भेटमा मन्त्री घिसिङले नेपाल र चीनलाई सडक सञ्जालबाट जोड्ने काठमाडौँ—कोदारी ९अरनिको० र…
काठमाडौँ । सरकारले सांसद र राजनीतिक पदाधिकारीको स्वकीय सचिवको सुविधा खारेज गरेको छ । असोज ५ गते सरकारले मन्त्रीस्तरीय निर्णय गर्दै यस्तो सुविधा खारेज गरेको अर्थ मन्त्रालयले जनाएको छ । मन्त्रालयका अनुसार सांसद लगायत अन्य राजनीतिक पदाधिकारीको स्वकीय सचिवको सुविधा खारेज गरिने भएको हो । राष्ट्रपति, उपराष्ट्रपति, प्रधानमन्त्री, सभामुख र राष्ट्रिय सभाका अध्यक्ष, प्रदेश प्रमुख, नेपाल सरकार तथा प्रदेश सरकारका मन्त्रीहरूले भने स्वकीय सचिव राख्न पाउनेछन् । त्यस्तै, राष्ट्रपति, उपराष्ट्रपति, प्रधानमन्त्री, सभामुख र राष्ट्रिय सभाका अध्यक्ष बाहेक नेपाल सरकार, प्रदेश तथा स्थानीय तहका पदाधिकारीको लागि सल्लाहकार नियुक्ति गर्न नपाउने भएका छन् । अर्थ मन्त्रालयले मुलुकको सार्वजनिक खर्चमा मितव्ययिता कायम गर्न…
न्युयोर्क । अमेरिकी राष्ट्रपति डोनाल्ड ट्रम्पले संयुक्त राष्ट्रसंघको महासभामा आफ्नो निर्धारित समयभन्दा तीन गुणा बढी समय लिएर विभिन्न विवादास्पद विषयमाथि सम्बोधन गरेका छन्। उनले आप्रवासन, जलवायु परिवर्तन, गाजाको युद्ध र अन्तर्राष्ट्रिय संस्थाहरूमाथि कडा टिप्पणी गरे। ट्रम्पले ‘अवैध आप्रवासन’ विरुद्धको आफ्नो अडानलाई दोहोर्याउँदै यसलाई देशहरूलाई नष्ट गरिरहेको बताए। उनले अवैध आप्रवासीहरूलाई पक्राउ गरेकोमा एल साल्भाडोरलाई धन्यवाद दिए। ट्रम्पले संयुक्त राष्ट्रसंघले नै ‘पश्चिमी देशहरू र उनीहरूको सिमानामाथि आक्रमणलाई वित्तपोषण गरिरहेको’ आरोप लगाए। उनले संयुक्त राष्ट्रसंघको निकाय (जुन अन्तर्राष्ट्रिय आप्रवासन संगठन, आईओएम जस्तो देखिन्छ) ले अवैध आप्रवासीहरूलाई खाद्यान्न, आश्रय, यातायात र डेबिट कार्डहरू प्रदान गरेको दाबी गरे। ईरान र गाजा युद्ध ट्रम्पले तीन महिनाअघि…
रामेछाप । वडा दशैँ तथा शुभ दिपावलीको अवसरमा मन्थली नगरपालिका १० चनखुमा यसपटक पनि भलिबल प्रतियोगिता हुने भएको छ । लाङघाली सेवा समाजको आयोजनामा असोज १७ र १८ गते साविक वडा स्तरीय भलिबल प्रतियोगिता अन्तर्गत `चौथो वडाकप-२०८२´ हुन लागेको समाजको अध्यक्ष होम बहादुर थापा मगरले जानकारी दिए । चनखु वडा कार्यालयले आर्थिक वर्ष २०८२/०८३ को बजेटबाट खेलकुद शिर्षकमा छुट्याइएको २ लाख रकम बाट साविक वडास्तरिय पुरुष भलिबल प्रतियोगिता गर्न लागेको अध्यक्ष मगरले बताए । भलिबल प्रतियोगितामा प्रथम ,द्वितीय ,तृतीय र सान्त्वना हुनेलाई क्रमशः नगद रु.३०,०००।-,२०,०००।-,१०,०००।- को साथमा शिल्ड,मेडल र प्रमाणपत्र दिइने आयोजकले जनाएको छ । कार्यक्रमलाई ह्याङ्ला ह्युल सामुदायिक संस्थाले…
काठमाडौं । दुर्गा प्रसाईंले अन्तरिम सरकारका दुई मन्त्रीहरूमाथि गम्भीर आरोप लगाएका छन् । ऊर्जा, भौतिक र शहरी विकास मन्त्रालयको जिम्मेवारीमा रहेका कुलमान घिसिङ र सञ्चार, सूचना तथा प्रविधिमन्त्री जगदिश खरेलमाथि उनले एमसीसी पास गर्न र वकालत गर्ने विषयमा भूमिका खेलेको आरोप लगाएका हुन् । मंगलबार एक पत्रकार सम्मेलन आयोजना गर्दै उनले नवनियुक्त मन्त्रीद्वय घिसिङले एमसीसी र एमसीए ल्याएको र त्यसको पक्षमा सञ्चारमन्त्री खरेल, रास्वपा उपसभापति स्वर्णिम वाग्ले लगायतले वकालत गरेको आरोप लगाए । ‘कुलमान घिसिङलाई तपाईंहरू भगवान देख्नुहुन्छ, एमसीसी र एमसीए ल्याउने मान्छे नै कुलमान घिसिङ हो । बुझ्नुभयो । एमसीसी पास गराउने, कुलमान घिसिङ हुन् । त्यसको वकालत गर्ने…
काठमाडौं । गायक हरि पौड्याल र रोजिना बस्नेतको आवाजमा डान्सिङ गित ´फुलको बोटैमा` सार्वजनिक भएको छ । पुष्प सुनुवारको शब्द रचनालाइ गायक तथा सङ्गितकार सौगात जङ्ग थापाले सङ्गीत गरेका हुन् भने विशाल निरौलाको एरेन्ज रहेको छ । गायक हरी पौड्याललाइ भोइस अफ नेपाल बाट सिजन ५ बाट चर्चामा आएकी गायिका रोजिना बस्नेतले भोकलमा साथ दिएकी छन् । टिपिकल शब्द रचनामा तयार भएको गितलाइ सङ्गितकार थापाले उत्कृस्ट सङ्गीत गरेका छन् । बालाजुको स्टुडियोमा छायांकन गरेको भिडियोमा मोडल सुधिर श्रेस्ठ,बिना राउत जस्ता चर्चित कलाकारहरुको अभिनय रहेको छ। भिडियोको कोरियाग्राफर सुरेश पाण्डेले गरेका थिए । युवराज खत्रीको निर्देशनमा तयार भएको भिडियोलाइ सुजन श्रेस्ठले…
जिल्ला प्रशासन कार्यालय काभ्रेले दसैँभर जिल्लामा मालवाहक सवारीको साधन टिप्पर सञ्चालनमा रोक लगाएको छ। जिल्ला सुरक्षा समितिको गत भदौ ३० गतेको निर्णयानुसार दसैँभर जिल्लामा टिप्पर सञ्चालनमा रोक लगाएको जनाइएको छ। कार्यालयद्वारा प्रकाशित सार्वजनिक अपिलमा यही असोज ६ देखि असोज २२ गतेसम्म टिप्पर सञ्चालन नगर्न भनिएको हो। सहायक प्रमुख जिल्ला अधिकारी सुदर्शन श्रेष्ठद्वारा जारी अपिलमा यात्रु तथा सर्वसाधारणको जीवन सुरक्षा, सडक दुर्घटना न्यूनीकरण र सहज आवागमन सुनिश्चित गर्न टिप्पर सञ्चालन रोक लगाइएको उल्लेख गरिएको छ। यस अवधिभर टिप्पर सञ्चालन गरी सवारी तथा यातायात व्यवस्था ऐन, २०४९ को उल्लङ्घन गरेको पाइएमा कानुनबमोजिम कडा कारबाही गरिने श्रेष्ठले बताए। उनका अनुसार अत्यावश्यक सेवाका…
